Digwyddiadau

Beth sy’n digwydd yn ystod Wythnos Gwaith Ieuenctid?

Cyfeiriadur

“Pwy yw Pwy” gwaith ieuenctid yng Nghymru

Recriwtio

Denu pobl ifanc i mewn i waith ieuenctid

Gwobrau

Cyflwyno gwobr newydd mewn diwydiant

Arfer Gorau

Arddangos rhagoriaeth gwaith ieuenctid yng Nghymru

Mynnwch Ddweud eich Dweud

Rydym yn gwerthfawrogi eich syniadau a’ch awgrymiadau

Diolch Sam…
Am ddenu Gweithwyr Ieuenctid y dyfodol!

Helpwch ni i gael hyd i’r Sam nesaf!

Pwy yw Sam?

Wel, nid yw Sam yn seren y byd pop, yn eicon chwaraeon nac ar y teledu ond mae Sam yn arbennig i nifer o bobl ifanc.

Oherwydd, fel Gweithiwr Ieuenctid, mae Sam yn rhoi cymorth a chyngor ac yn rhoi cyfle i bobl ifanc wneud ffrindiau newydd, dysgu sgiliau newydd a phrofi pethau newydd. Mae Sam yn cynrychioli pob un ohonon ni sy’n ymwneud â Gwaith Ieuenctid.

Allech chi fod y Sam nesaf?

Mae miloedd o ‘Sams’ allan yno, yn gweithio’n ddiflino dros bobl ifanc yng Nghymru. Ar y cyfrif diwethaf, roedd 20,000 ‘Sam’ yn ysbrydoli dros 200,000 o bobl ifanc yn y Gwasanaeth Ieuenctid. Ond rydym angen mwy! A dyna lle gallwch chi ein helpu i recriwtio ‘Sams’ y dyfodol drwy wneud y gorau o’n pecyn Gyrfâu Gwaith Ieuenctid newydd.

Y teitl yw ‘Allech chi fod y Sam nesaf?’ – gall Gweithwyr Ieuenctid ei ddefnyddio a’r rhai mewn proffesiynau cysylltiol i hyrwyddo gwaith ieuenctid fel opsiwn gyrfa i bobl ifanc.

Mae wedi’i ddylunio i’w ddefnyddio mewn lleoliad addysgol. Gall y pecyn fod yn offeryn hanfodol i ddal egni a brwdfrydedd pobl ifanc a gallai annog pobl ifanc i feddwl am gyfranogiad parhaus yn y Gwasanaeth Ieuenctid fel rhan bwysig o’u dyfodol.

Deilliannau’r pecyn i bobl ifanc yw:

  • Cynyddu gwybodaeth a chodi ymwybyddiaeth o’r hyn y mae Gwaith Ieuenctid yn ei wneud go iawn;
  • Annog gwirfoddoli drwy amlygu cyfleoedd o fewn cyd-destun Gwaith Ieuenctid;
  • Ystyried Gwaith Ieuenctid fel llwybr gyrfa hyfyw;
  • Defnyddio’r llyfryn ‘Allech chi fod y Sam nesaf?’ i gael mwy o wybodaeth a dulliau gweithredu;
  • Ateb ymholiadau a chwestiynau a chyfeirio pobl ifanc sy’n defnyddio’r taflenni a’r adnoddau i bobl ifanc.

Felly, gwnewch y gorau o’r adnodd gwerthfawr hwn a’n helpu i recriwtio ‘Sams’ y dyfodol!

Lawr lwythwch ein Gwybodaeth am Yrfâu

Cynhyrchwyd y Pecyn Gyrfau Gwaith Ieuenctid ar gyfer Llywodraeth Cynulliad Cymru gan Gyngor Gwasanaethau Ieuenctid Gwirfoddol Cymru (CWVYS) a ProMo Cymru.